3 (Psalmus David, n cum fugeret a facie Absalom, filii sui.) Domine quid multiplicati sunt qui tribulant me ? multi insurgunt adversum me.
2 Multi dicunt animæ meæ : Non est salus ipsi in Deo ejus.
3 Tu autem, Domine, susceptor meus es, gloria mea, et exaltans caput meum.
4 Voce mea ad Dominum clamavi ; et exaudivit me de monte sancto suo.
5 Ego dormivi, et soporatus sum ; et exsurrexi, quia Dominus suscepit me.
6 Non timebo millia populi circumdantis me ; exsurge, Domine ; salvum me fac, Deus meus.
7 Quoniam tu percussisti omnes adversantes mihi sine causa ; dentes peccatorum contrivisti.
8 Domini est salus ; et super populum tuum benedictio tua.
Hieronymus Vulgata (IntraText Edition) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.